H�sk�lasetur Vestfjar�a - Tilkynningar

Arctic Frontiers 24.01.2012-28.01.2012, Troms�

Thu, 29 Dec 2011 16:16:00 +0000

Aukinni sókn manna á norðurheimskautssvæðið fylgja hagrænar, pólitískar og félagslegar breytingar fyrir ríkin á norðurslóðum sem og fyrir vistkerfin. Það er því mikilvægt að stjórna verkum manna á norðurslóðum til að vernda umhverfi og viskerfi í fyrirsjáanlegri framtíð.

Arctic Frontiers ráðstefnan er vettvangur fyrir alla hagsmunaaðila á norðurslóðum til að skilgreina forgangsröðun fyrir þróun og rannsóknir undir kjörorðinu Jafnvægi milli nýtingar og verndun vistkera (Balancing human use and ecosystem protection).

Markmið Arctic Frontiers ráðstefnunnar er að veita betri heildrænan skilning á norðurslóðum og stuðla að sjálfbærri nýtingu sem byggir á vísindalegum grunni, menningarlegri næmni og samstarfi yfir landamæri.

Frekari upplýsingar og skráning: www.arcticfrontiers.com

Augl�st eftir starfsmanni � m�tt�ku

Tue, 29 Nov 2011 15:41:00 +0000

Háskólasetur Vestfjarða leitar að starfsmanni í hálft starf í móttöku til að annast símsvörun, umsjón með kaffistofu og almenn ritarastörf. Starfsmaður þarf að vera fjölhæfur og sveigjanlegur og geta leyst hinn móttökuritara af.

Starfsmaðurinn vinnur fyrir allar stofnanir í Vestra-húsinu en er ráðinn af Háskólasetri Vestfjarða. Á hæðinni vinna um 40 starfsmenn við rannsóknir, kennslu og þjónustu, auk námsmanna og gesta.

Upplýsingar um starfið veitir Peter Weiss, forstöðumaður: weiss@UWestfjords.is eða 450 3045
Umsóknarfrestur: 15.12.11

M�l�ing um hagr�n �hrif menntunar � ja�arsv��i

Mon, 28 Nov 2011 12:45:00 +0000

Miðvikudaginn, 30.11.2011, 12:00-16:00, Háskólasetri. Tungumál: Enska.

Dagskrá málþings

Menntun er máttur - fyrir einstaklinga sem og heil svæði. En er aukin menntun ein og sér í þágu jaðarsvæða? Er nóg að tryggja menntun eða þarf meira til? Vestfirðingar og Skotar hafa skoðun á þessu og munu á þessu málþingi leiða saman hesta sína.

Vestfirðingar hafa í gegnum tíðina bariðst fyrir háskólamenntun á svæðinu og um leið fyrir staðbundnu námi á Vestfjörðum. Með tilkomu Háskólaseturs hefur umræðan færst á annað stig.

Á þessu málþingi koma saman fræðimenn eins og Kristinn Hermannsson og Robert Wright frá University of Strathclyde, Nicole Bourque frá University of Glasgow, Vífill Karlsson, sem hefur unnið við Háskólann á Bifröst og Háskólann á Akureyri og Anna Guðrún Edvardsdóttir, sem vinnur að doktorsritgerð í þessum málum á Íslandi og Skotlandi. Svo bætast við fyrirlesarar, sem glíma við þessar spurningar í sínum störfum, Aðalsteinn Óskarsson, Fjórðungssambandi, Shiran Þórisson, Atvimnuþróunarfélagi og Peter Weiss, Háskólasetri. Frekari upplýsingar á vefsíðu.

Fr��sluerindi n�tt�rustofa um h�patferli andarunga FELLUR NI�UR VEGNA VEIKINDA

Wed, 23 Nov 2011 15:01:00 +0000

Fræðsluerindi Náttúrustofu hefjast í haust með fyrirlestri Ránar Þórarinsdóttur frá Náttúrustofu Austurlands og nefnist erindi hennar Hópatferli andarunga.

Tími: FELLUR NIÐUR VEGNA VEIKINDA

Fræðsluerindin eru send út í gegnum fjarfundabúnað og má nálgast í Bolungarvík í Rannsóknasetrinu, á Ísafirði í háskólasetri og í Hólmavík í Þróunarsetri.

Styrkir �r �r�unarsj��i innflytjendam�la 2011

Mon, 31 Oct 2011 08:00:00 +0000

Innflytjendaráð auglýsir eftir umsóknum um styrki úr þróunarsjóði innflytjendamála. Tilgangur sjóðsins er að efla rannsóknir og þróunarverkefni á sviði innflytjendamála með það að markmiði að auðvelda gagnkvæma aðlögun innflytjenda og íslensks samfélags.

Að þessu sinni verður sérstök áhersla lögð á eftirfarandi viðfangsefni:
• Þróunarverkefni sem unnin eru í sveitarfélögum og miðast að því að auka aðgengi innflytjenda að samfélaginu.
• Þróunarverkefni og rannsóknir sem vinna gegn fordómum, auka fjölmenningarlega færni og hvetja til virkrar þátttöku innflytjenda í samfélaginu.

Önnur verkefni koma einnig til álita.

Styrkir verða almennt veittir félögum, samtökum og opinberum aðilum. Grasrótar- og hagsmunafélög innflytjenda eru sérstaklega hvött til þess að sækja um í sjóðinn. Einstaklingum verða að jafnaði einungis veittir styrkir til rannsókna. Til ráðstöfunar eru 10 milljónir króna. Styrkir geta verið að hámarki 75% af heildarkostnaði verkefnis. Unnt er að sækja um á íslensku og ensku.

Umsóknarfrestur er til 25. nóvember 2011. Sótt skal um styrk á sérstöku umsóknareyðublaði sem er aðgengilegt á heimasíðu velferðarráðuneytisins. Þar er einnig að finna stefnu ríkisstjórnarinnar í málefnum innflytjenda, framkvæmdaáætlun ríkisstjórnarinnar í málefnum innflytjenda og reglur þróunarsjóðs innflytjendamála með nánari upplýsingum um skilyrði styrkveitinga. Trúnaðar er gætt við meðferð umsókna.

Nánari upplýsingar fást í velferðarráðuneyti í síma 545 8100 og með tölvupósti á netfangið postur@vel.is

S�nt beint fr� Umhverfis�ingi 2011, f�studaginn 14. okt�ber

Thu, 13 Oct 2011 13:04:00 +0000

Umhverfisþing verður haldið föstudaginn 14. október á Hótel Selfossi. Þingið fer fram annað hvert ár. Þar verður fjallað um náttúruverndarmál, þar á meðal nýútkomna Hvítbók um endurskoðun náttúruverndarlaga, friðlýsingar, ferðaþjónustu, útivist, náttúruvísindi og viðmið fyrir náttúruvernd. Heiðursgestur er Ella Maria Bisschop-Larsen, formaður Dönsku náttúruverndarsamtakanna, sem fagna 100 ára afmæli í ár.

Dagskrá þingsins er að finna á vefsíðu Umhverfisráðuneytis.

Umhverfisþingi 2011 verður streymt á vefsíðu Umhverfisráðuneytis.

Pr�fessorssta�a J�ns Sigur�ssonar

Mon, 19 Sep 2011 12:19:00 +0000

Háskóli Íslands hefur auglýst lausa til umsóknar prófessorsstöðu Jóns Sigurðssonar sem stofnað er til í tilefni af 200 ára fæðingarafmæli Jóns.

Stöðunni fylgir rannsókna- og kennsluskylda við Háskóla Íslands auk starfsskyldna við Rannsóknarsetur HÍ á Vestfjörðum. Allar nánair upplýsingar má nálgast á Starfatorgi.

Fr�sagnasafni� � opnun � laugardag

Thu, 15 Sep 2011 16:13:00 +0000

Þjóðfræðistofa og Skaftfell standa nú fyrir söfnun á frásögnum allra íbúa sveitarfélaganna Strandabyggðar og Seyðisfjarðar. Söfnunin er í formi frásagna sem teknar eru upp á myndband og fær hver viðmælandi að velja eigið frásagnarefni. Um er að ræða einskonar svipmyndir sem saman lagðar gefa sneiðmynd af samfélaginu. Myndefnið verður aðgengilegt í söfnunarmiðstöðinni í sýningasal Skaftfells og í Þróunarsetrinu á Hólmavík.

Svissnenski listamaðurinn Christoph Büchel, listrænn stjórnandi Skaftfells árin 2011 og 2012, á frumkvæði að verkefninu en það er styrkt af Menningarráði Vestfjarða og Menningarráði Austurlands.

Laugardaginn 17. september, kl. 17.00, í Þróunarsetrinu á Hólmavík, verður verkefnið kynnt frekar og sýndar verða fyrstu frásagnirnar sem safnast hafa.

Minnum � tv� �hugaver� n�mskei� hj� S�menntun HA

Mon, 15 Aug 2011 14:40:00 +0000

Símenntun Háskólans á Akureyri býður upp á áhugaverð námskeið í haust.

Annars vegar er um að ræða námskeiðið Íslenskur sjávarútvegur - frá auðlind til neytenda. Hvar verða verða verðmætin til? Námskeiðið sem er á háskólastigi er sniðið fyrir starfsmenn fyrirtækja og stofnanna sem tengjast sjávarútvegi eða hafa áhuga á slíkum störfum. Námskeiðið er alls 36 kennslustundir, en kennt verður á miðvikudögum frá 7. september til 30. nóvember kl. 17.00-19.40. Námskeiðið samsvarar 6 ECTS einingum. Sjá nánari upplýsingar í pdf skjali fyrir neðan. Skráningafrestur er til 15. ágúst.

Hins vegar er um að ræða námskeiðið Markaðssetning vöru og þjónustu. Námskeiðið sem einnig er á háskólastigi er ætlað öllum sem starfa við sölu- og markaðssetningu á vöru á þjónustu og er tilgangur þess að auka skilning þátttakenda á hlutverki faglegs markaðsstarfs innan fyrirtækja og samfélags. Námskeiðið er alls 36 kennslustundir og verður kennt á miðvikudögum frá 14. september til 30. nóvember kl. 16.30-19.00. Sjá nánari upplýsingar í pdf skjali fyrir neðan. Skráningafrestur er til 1. september.

Nánari upplýsingar:
Íslenskur sjávarútvegur - frá auðlind til neytenda
Markaðssetning vöru og þjónustu

H�sk�lahra�lestin � fer� � Bolungarv�k

Fri, 05 Aug 2011 13:22:00 +0000

Í tilefni aldarafmælis Háskóla Íslands árið 2011 hefur Háskólahraðlestin verið á ferðinni vítt og breitt um landið með fjölbreytta dagskrá. Laugardaginn 13. ágúst verður lestin á ferð í Bolungarvík. Á dagskrá hraðlestarinnar að þessu sinni verða fjölbreytt atriði, t.a.m. mun Sprengjugengið sýna listir sínar, auk þess sem japönsk, frönsk og íslensk menning verður kynnt. Nánari upplýsingar má nálgast hér.