Sumarháskóli í íslensku fyrir erlenda stúdenta
Námskeið í íslensku haldið á
Núpi dagana 05.08.2013-23.08.2013.
Frekari upplýsingar eru á ensku.
Námskeiðslýsing
Íslenskunámskeið þar sem menningu landsins er fléttað inn í tungumálanámið. Námið er sérstaklega ætlað nemendum sem hyggjast dvelja við nám á Íslandi í eina eða tvær annir. Námskeiðið hjálpar nemendum að aðlagast daglegu lífi í landinu og auðveldar þeim þátttöku í námi sínu.
Nemendur ljúka samtals 96 fjölbreyttum og áhugaverðum kennslustundum, bæði í hefðbundnum kennslustofum og í spennandi dagsferðum um nágrenni Núps og Ísafjarðar.
Grundvallaratriði í málfræði og orðaforða verða kennd í gegnum fyrirlestra og æfingar. Lestrar- og skriftarkunnátta á stigi A1-A2-B1 verður kennd í gegnum hópavinnu og lausnarleitarnám, til dæmis með því að bera kennsl á lykilorð og orðflokka, svo nemendur geti áttað sig á umfjöllunarefni texta. Nemendur taka þátt í samtalsæfingum í gegnum tungumálaleiki og lausnarleitarnám við raunverulegar aðstæður. Framburðaræfingar verða fjölbreytilegar og óvenjulegar. Ferð verður farin á söguslóðir Gísla sögu þar sem meðal annars veður boðið upp á einleik Elfars Loga Hannessonar upp úr Gísla sögu.
Vikulega sjá nemendur íslenska kvikmynd sem kennarinn fylgir úr hlaði með stuttu inngangserindi á einfaldri íslensku þar sem lykilorðaforði er kynntur. Myndirnar verða á íslensku en með enskum texta. Að sýningu lokinni gefst nemendum kostur á að ræða myndina við kennarann.
Afþreyingardagskrá
Þótt tungumála- og menningarnámið sé í aðalhlutverki verður einnig í boði fjölbreytt afþreyingardagskrá.
Á Núpi má gera sér margt til skemmtunar, þar má t.d. klífa fjallið Óþola eða fara í gönguferðir á Skaga eða Ingjaldssands auk margs annars. Á Ísafirði finna nemendur fjölda áhugaverðra staða, þar eru kaffihús, veitingastaðir og skemmtistaðir. Þar er líka sundlaug, golfvöllur og margt fleira auk þess sem náttúran í kring býður upp á ýmsa möguleika. Þátttaka í daglegu lífi í litlu bæjarfélagi á landsbyggðinni eins og Ísafirði auðveldar nemendum að fá tilfinningu fyrir íslensku samfélagi.
Hér er um að ræða áhugavert sumarnámskeið í fallegri náttúru Vestfjarða. Háskólasetur Vestfjarða hefur reynslu af því að halda íslenskunámskeið fyrir erlenda stúdenta og býður nemendur hjartanlega velkomna.
Frekari upplýsingar eru á ensku.
Námskeiðslýsing
Íslenskunámskeið þar sem menningu landsins er fléttað inn í tungumálanámið. Námið er sérstaklega ætlað nemendum sem hyggjast dvelja við nám á Íslandi í eina eða tvær annir. Námskeiðið hjálpar nemendum að aðlagast daglegu lífi í landinu og auðveldar þeim þátttöku í námi sínu.
Nemendur ljúka samtals 96 fjölbreyttum og áhugaverðum kennslustundum, bæði í hefðbundnum kennslustofum og í spennandi dagsferðum um nágrenni Núps og Ísafjarðar.
Grundvallaratriði í málfræði og orðaforða verða kennd í gegnum fyrirlestra og æfingar. Lestrar- og skriftarkunnátta á stigi A1-A2-B1 verður kennd í gegnum hópavinnu og lausnarleitarnám, til dæmis með því að bera kennsl á lykilorð og orðflokka, svo nemendur geti áttað sig á umfjöllunarefni texta. Nemendur taka þátt í samtalsæfingum í gegnum tungumálaleiki og lausnarleitarnám við raunverulegar aðstæður. Framburðaræfingar verða fjölbreytilegar og óvenjulegar. Ferð verður farin á söguslóðir Gísla sögu þar sem meðal annars veður boðið upp á einleik Elfars Loga Hannessonar upp úr Gísla sögu.
Vikulega sjá nemendur íslenska kvikmynd sem kennarinn fylgir úr hlaði með stuttu inngangserindi á einfaldri íslensku þar sem lykilorðaforði er kynntur. Myndirnar verða á íslensku en með enskum texta. Að sýningu lokinni gefst nemendum kostur á að ræða myndina við kennarann.
Afþreyingardagskrá
Þótt tungumála- og menningarnámið sé í aðalhlutverki verður einnig í boði fjölbreytt afþreyingardagskrá.
Á Núpi má gera sér margt til skemmtunar, þar má t.d. klífa fjallið Óþola eða fara í gönguferðir á Skaga eða Ingjaldssands auk margs annars. Á Ísafirði finna nemendur fjölda áhugaverðra staða, þar eru kaffihús, veitingastaðir og skemmtistaðir. Þar er líka sundlaug, golfvöllur og margt fleira auk þess sem náttúran í kring býður upp á ýmsa möguleika. Þátttaka í daglegu lífi í litlu bæjarfélagi á landsbyggðinni eins og Ísafirði auðveldar nemendum að fá tilfinningu fyrir íslensku samfélagi.
Hér er um að ræða áhugavert sumarnámskeið í fallegri náttúru Vestfjarða. Háskólasetur Vestfjarða hefur reynslu af því að halda íslenskunámskeið fyrir erlenda stúdenta og býður nemendur hjartanlega velkomna.
