Í vikunni hófust tvö valnámskeið í meistaranámi í haf- og strandsvæðastjórnun við Háskólasetur Vestfjarða. Námskeiðin marka jafnframt upphafið að sumarönn meistaranámsins, en þess má geta að áhugasamir geta skráð sig á stök námskeið sumarannarinnar.

Annarsvegar er um að ræða námskeiðið Chemistry and Contamination in the Coastal Zone sem prófessor Jón Ólafsson haffræðingur við Jarðvísindadeild Háskóla Íslands kennir.

Hinsvegar er um að ræða námskeiðið Evaluating Variation in Population and Communities sem Dr. Emil Ólafsson sjávarlíffræðingur kennir. Emil er stofnandi ráðgjafafyrirtækisins Menntun sem er staðsett á Spáni og sérhæfir sig í umhverfisrannsóknum og -fræðslu.

Næstu tvö valnámskeið hefjast svo eftir tæpar þrjár vikur en það eru námskeiðin Planing of Coastal and Marine Regions og On the Law of the Sea and Environment.