Í vikunni ber það helst til tíðinda að Háskólasetur Vestfjarða heldur sérstaka Háskólahátíð þann 17. júní næstkomandi í tilefni útskriftar meistaranema í haf- og strandsvæðastjórnun. Hátíðleg athöfn í tilefni útskriftarinnar fer fram á Hrafnseyri kl. 11:00 en að öðru leyti er dagskráin á Hrafnseyri í tilefni 17. júní mjög fjölbreytt. Um kvöldið verður óformleg samkoma námsmanna, kennara og starfsmanna, bæði núverandi og fyrrverandi, sem og aðstandenda, vina og stofnaðila. Háskólahátíðin er kjörið tækifæri til að rækta tengslin við Háskólasetrið og vonumst við til að sjá sem flest ykkar.

Ókeypis er í rútu. Tilgreinið hvort þið ætlið að taka rútu frá Háskólasetri, Skeiði (Bónus), Önundarfirði eða Þingeyri (bensínstöð). Brottför frá Háskólasetri ekki seinna en 09:30. Mæting upp úr 09:00.
Grillkvöld: Matur og óáfengir drykkir seldir á kostnaðarverði. ATH.: greiðist með reiðufé
Gestir/Makar velkomnir á grillkvöld. Látið gjarnan vita hvað þið eruð margir.
Vinsamlegast hafið samband við reception@uwestfjords.is eða í síma 450 3040 til að skrá ykkur í rútu og mat.

Dagskrá á Hrafnseyri

 

Halldór Halldórsson, stjórnarformaður Háskólaseturs Vestfjarða

 

Stefán B. Sigurðsson, rektor Háskólans á Akureyri

 

Helga Margrét Marzellíusardóttir, sópran, og Sigríður Ragnardóttir, píanó
Hjá lygnri móðu. Lag: Jón Ásgeirsson, Ljóð: Halldór Laxness

 

Marc Miller, prófessor og Gabríela Sabaú prófessor, f.h. kennara

 

Alan Deverell, fulltrúi nemenda

 

Helga Margrét Marzellíusardóttir, söngur, og Sigríður Ragnardóttir, píanó
Vertu: Lag: Gunnsteinn Ólafsson, Ljóð: Valgerður Benediktsdóttir

 

Peter Weiss, forstöðumaður Háskólaseturs Vestfjarða

 

Fjöldasöngur: Sigling (Hafið bláa hafið)